VSÓ Ráðgjöf ehf

VSÓ Ráðgjöf er alhliða ráðgjafar- og verkfræðifyrirtæki sem leggur áherslu á trausta og faglega þjónustu sem tryggir viðskiptavinum hagkvæmustu lausnir hverju sinni, skilar raunverulegum árangri og stuðlar að samkeppnisforskoti. Á skrifstofum VSÓ í Reykjavík og í Noregi starfar yfir 90 manna samhentur hópur verkfræðinga og annars tæknimenntaðs starfsfólks. 

Starfsemi VSÓ skiptist í sex megin fagsvið þ.e. framkvæmdaráðgjöf, umhverfi og skipulag, byggðatækni, samgöngur, tæknikerfi og burðarvirki.  VSÓ býður vistvænar og hagkvæmar lausnir, sem stuðla að framförum og sjálfbærri þróun, og styður viðskiptavini sína á grænni leið að kolefnishlutleysi og sjálfbæru samfélagi með því að veita ráðgjöf á sviði umhverfismála, skipulags og mannvirkjagerðar.

VSÓ leggur áherslu á að laða til sín vel menntað og hæft starfsfólk og kappkostar að skapa því góð vinnuskilyrði og tækifæri til að þróast í starfi. VSÓ Ráðgjöf er skemmtilegur, hlýlegur og fjölskylduvænn vinnustaður.