Glæsilegt 4 stjörnu boutique hótel með stóra sál í hjarta Reykjavíkur. Staðsett í sögufrægu stórhýsi Reykjavíkurapóteks eftir Guðjón Samúelsson. Höggmyndir Guðmundar frá Miðdal sýna augljósan stórhug húsbyggjandans.

Hjarta Reykjavíkur

Reykjavíkurapótek á horni Pósthússtrætis og Austurstrætis hefur verið í miðju borgarinnar í yfir heila öld. Þetta fyrsta stórhýsi Reykjavíkur sló nýjan tón þegar það var byggt og hefur síðan staðið mitt í hringiðunni og þjónað ólíkum hlutverkum. Nú geymir það nútímaleg hótelbergergi bak við fallega ásýndina sem ber tíma sínum og hönnuði fagurt vitni. Apótek tekur vel á móti gestum í hjarta miðborgarinnar.

Veitingastaðurinn

Á jarðhæð hótelsins er vinsæll veitingastaður og bar, Apótekið, þar sem íbúar borgarinnar mæta gestum hennar yfir máltíð eða drykk við hæfi. Stórir gluggarnir færa þeim sem inni sitja götulífið beint í æð.

Herbergin

Þægindi í bland við nútímalegt útlit með klassísku yfirbragði lýsir herbergjunum á Apótek hótel best. Herbergin eru vel búin öllum helstu nútíma þægindum og fyrir þá sem vilja meiri lúxus er hægt að bóka Superior, Deluxe herbergi og svítur.

Einstaklingsherbergi

Einstaklingsherbergin okkar munu seint teljast stór en okkur þykja þau virkilega notaleg. Herbergin eru smekklega innréttuð og búin öllum helstu nútímaþægindum til að tryggja ljúfa dvöl.

Tveggja manna herbergi

Tveggja manna herbergin á Apótek Hótel eru smekklega innréttuð og búin öllum helstu nútímaþægindum til að tryggja ljúfa dvöl. Hægt er að velja milli þess að fá hjónarúm eða tvö einstaklingsrúm.

Superior herbergi

Superior herbergin á Apótek Hótel henta vel fyrir þá sem vilja rýmri herbergi. Hægt er að velja milli þess að fá hjónarúm eða tvö einstaklingsrúm. Superior herbergin eru fallega innréttuð og búin öllum helstu nútímaþægindum til að tryggja ljúfa dvöl.

Deluxe herbergi

Deluxe herbergin á Apótek Hótel henta fyrir þá sem vilja rúmgóð herbergi. Hægt er að velja milli þess að fá hjónarúm eða tvö einstaklingsrúm. Deluxe herbergin okkar eru smekklega innréttuð og búin öllum helstu nútímaþægindum til að tryggja ljúfa dvöl. Öll Deluxe herbergi hafa útsýni yfir Austurvöll eða Austurstræti.

Junior svíta

Á Junior svítunum á Apótek Hótel eru rúmgóð herbergi með samliggjandi setusvæði. Svíturnar eru glæsilega innréttaðar og búnar öllum helstu nútímaþægindum til að tryggja ljúfa dvöl. Junior svíturnar eru með útsýni yfir Austurvöll eða Austurstræti.

Turnsvítan

Turnsvítan á Apótek Hótel, sem er á þremur hæðum, er smekklega innréttuð og búin öllum helstu nútíma þægindum til að tryggja notalega dvöl. Gengið er inn í forstofu með fatahengi ásamt skrifborði. Þaðan liggja tröppur upp á aðra hæð þar sem samliggjandi svefnherbergi og setusvæði taka hlýlega á móti gestum. Á efstu hæð er huggulegt baðherbergi með bæði sturtu og baðkari.