Hótelið er staðsett í Grímsnesi við Gullna Hringinn í kjarri vöxnu landi á bökkum Sogsins með fagra fjallasýn allt um kring. Einstaklega friðsæll staður en samt aðeins 45 mínútna akstur frá Reykjavík.

Hótel Grímsborgir er staðsett í Grímsnesi á Suðurlandi á bökkum Sogsins, vatnsmestu bergvatnsá Íslands. Hótelið er á glæsilegum stað í kjarrivöxnu landi og frá hótelinu er fögur fjallasýn m.a. að Ingólfsfjalli og Búrfelli.

Herbergi

Hvort sem þú velur standard herbergi eða rúmgóða svítu, þá tryggir Hótel Grímsborgir góða upplifun. Njóttu í rólegu umhverfi ástinni, vinum eða fjölskyldu og eigðu frábæra dvöl.

Standard herbergi

Standard herbergin okkar bjóða upp á rúmgott 22 fermetra rými. Hvert herbergi er með vel útbúnu baðherbergi og sturtuklefa.

Stígðu út á þína eigin einkaverönd, þar sem þú getur slakað á í umhverfinu og notið ferska loftsins. Auk þess njóta allir gestir þeirra forréttinda að fá aðgang að heitum potti á sameiginlegu svæði.

Superior herbergi

Superior einstaklings, hjóna eða tveggja manna („twin”) herbergin okkar eru 25 fm með sérbaðherbergi. Útgengt er á einkaverönd og aðgangur að heitum pottum á sameiginlegu útisvæði fylgir með herberginu.

Deluxe Herbergi

Hjónaherbergið er rúmgott og er með hljóðeinangraða veggi, te- og kaffivél, verönd með garðútsýni og sérbaðherbergi með sturtu.

Junior svíta

Junior svítan okkar er 40 fm. með sér baðherbergi sem er bæði með sturtu og baðkari. Gengið er út á einkaverönd með aðgangi að heitum pottum.

Gallerí svíta

Svíturnar okkar eru 40 fm. með setustofu, sér baðherbergi með sturtu, baðkari og einkaverönd með heitum potti.

Svíta

Svíturnar okkar eru 40 fm. með setustofu, sér baðherbergi með sturtu, baðkari og einkaverönd með heitum potti.

Íbúð | 2 svefnherbergi

Íbúðirnar eru 56 fm og eru með 2 svefnherbergjum. Íbúðirnar eru ýmist með tveimur herbergjum með „Queen size“ hjónarúmi, eða einu „Queen size“ hjónarúmi og í hinu herberginu eru tvö aðskilin rúm.

Lúxus íbúð | 4 svefnherbergi

Lúxus íbúðirnar okkar eru mjög rúmgóðar (200 fm) fjögurra svefnherbergja glæsihýsi. Í þeim er stórt baðherbergi með bæði sturtu og baðkari, sem og gestasalerni. Setu- og borðstofa með arni, stórt fullbúið eldhús og sjónvarpshorn. Umhverfis allt er stór verönd og á henni prívat heitur pottur og gasgrill. Íbúðirnar eru smekklega innréttaðar í sveitastíl. Þar er hátt til lofts og vítt til veggja. Stórir gluggarnir gera rýmið bjart og falleg náttúran fær að njóta sín til fulls.

Lúxus íbúð | 5 svefnherbergi

Fimm herbergja lúxus íbúðirnar okkar eru mjög rúmgóðar (200 fm) fimm svefnherbergja glæsihýsi. Í þeim er stórt baðherbergi með sturtu og baðkari, sem og gestasalerni með sturtu. Setu- og borðstofa með arni, sjónvarpshorn, eitt stórt svefherbergi með 4 rúmum, 3 svefnherbergi með 2 rúmum hvert og eitt lítið herbergi með einu rúmi, svefnpláss fyrir allt að 10 manns.