Á Sigló Hótel kappkostum við að bjóða gestum okkar afslappandi umhverfi með klassískri og rómantískri hönnun. Hótelið er umvafið fallegu fjöllunum í kring og staðsett við smábátahöfnina. Njóttu þess að slappa af í þessu rólega litla griðarsvæði á Norðurlandi.

Dekraðu við þig í afslappandi umhverfi

Njóttu þessa að vera til í afslöppuðu umhverfi. Leyfðu þér að fara í heita pottinn í flæðarmálinu eða í heita gufu með útsýni yfir siglfirsku Alpana sem mynda fjallasal í kringjum Siglufjörð. Einnig er notalegt að setjast við arineldinn með heitt te og horfa yfir smábátahöfnina og fylgjast með lífinu við höfnina.

Sunna restaurant

Sunna restaurant er veitingastaðurinn á Sigló Hótel. Útsýni veitingastaðarins er beint yfir smábátahöfnina og löndunarbryggjuna þar sem gestir geta fylgst með sjómönnunum landa afla dagsins. Við leggjum okkur fram við að bjóða gestum okkar uppá notalegt og afslappað umhverfi með klassísku og rómantísku yfirbragði. Nafnið Sunna er dregið af Sunnubragga sem stóð áður þar sem hótelið er í dag.

Herbergin

Standard herbergi

Standard herbergin okkar eru heldur minni en Deluxe herbergin eða 23 m2 að stærð. Engu að síður ná þau fram þessu einstaka andrúmslofti Sigló hótels. Þau eru með tvíbreiðu rúmi búnu hágæða rúmfötum. Standard herbergi hentar fyrir tvo fullorðna en möguleiki er á aukarúmi fyrir barn eða fullorðna sé þess óskað

Þriggja manna herbergi

Þriggja manna herbergin okkar eru heldur minni en Deluxe herbergin eða 23 m2 að stærð. Engu að síður ná þau fram þessu einstaka andrúmslofti Sigló hótels. Þau eru með einu tvíbreiðu rúmi og einu einbreiðu rúmi búnu hágæða rúmfötum. Þriggja manna herbergi hentar fyrir þrjá fullorðna eða fullorðinn með tvö börn.

Superior herbergi

Vinsælustu herbergin á Sigló Hótel með fallegu útsýni yfir fjörðinn og höfnina. Superior herbergin eru rúmgóð og bjóða upp á uppfærða þægindi, gluggasæti og Dolce Gusto kaffivélar.

Deluxe herbergi

Komdu og upplifðu lúxusherbergin okkar. Þau eru 29 m2 að stærð með tvíbreiðu rúmi búnu hágæða rúmfötum. Þægileg herbergi sem bjóða upp á möguleika fyrir stærri fjölskyldur, sé óskað eftir auka rúmi hér inn. Lúxusherbergið er við hliðina á sjávar-svölunum sem snúa að hinu fjallinu okkar fagra, Hólshyrnu. Hljóðeinangrun herbergjanna þykir hafa tekist einstaklega vel og þrátt fyrir að hótelið sé fullsetið gestum, finnst manni sem maður sé eini hótelgesturinn eftir að inn á herbergið er komið, slík eru gæði herbergjanna. Í herberginu er háskerpu flatskjár, þráðlaust net og fleira. Sjá nánar undir búnaður.

Junior svíta

Þú hefur einstakt útsýni yfir Síldarminjasafnið og fjallagarðinn af einkasvölum Junior Svítu Sigló Hótel. Junior svítan er rúmgóð með tvíbreiðu rúmi búnu hágæða rúmfötum, fallegum hægindastólum og hágæða sjónvarpi. Stórar svalir eru á Junior Svítunni þar sem hægt er að slappa af og fylgjast með athafnalífinu með öllum sínum ys og þys líða hjá.

Svíta

Við bjóðum uppá 2 svítur á Sigló Hóteli og þær eru bara einstakar. Þú finnur fyrir ferskum blænum frá bryggjunni og getur fylgst með bæjarlífinu frá einkasvölunum í svítunum. Í svítunum er útsýni yfir sambátahöfnina eða löndunarbryggjuna þar sem hægt er að fylgjast trillukörlunum athafna sig, ýmist við löndun eða að undirbúa næsta róður. Gott útsýni er einnig niður á Hafnarbryggjuna þar sem stærri skip landa og eru þjónustuð. Svíturnar eru um 47 m2, rúmgóðar með svefnherbergi þar sem er tvíbreitt rúm, búið hágæða rúmfötum. Ennfremur er stór stofa, búin fallegu sófasetti. Að auki er hægindastóll og stór háskerpu flatskjár.